Ángel José Fariña Lamosa  

Ángel-José-F. Lamosa (Pontevedra, 1984) é profesor na UDC (Universidade da Coruña) cun amplo percorrido profesional no sector da animación.

Licenciado en Belas Artes pola UPV (Universidade Politécnica de Valencia) con especialización en Escultura e Comunicación Audiovisual e titulado superior en Cine de Animación pola ECAM (Escola de Cine e do Audiovisual de Madrid).

A súa experiencia profesional como asistente de produción, animador stop-motion, animador 3D, rigger e artista conceptual en proxectos como “As Aventuras de Fluvi”, “Pos eso”, “Capture the flag”, “Tadeo Jones 2”, “Clay Kids”, "Helen's little school", “A trote”… permitiulle obter unha ampla visión do sector da animación e os videoxogos que comparte en clase impartindo materias como Animación de Personaxes, Rigging e Arte Conceptual no grao de Creación Dixital, Animación e Videoxogos e no Máster Universitario en Deseño, Desenvolvemento e Comercialización de Videoxogos.

As súas liñas de investigación céntranse no estudo dos principios artísticos e técnicos da animación, a arte conceptual e o impacto das novas tecnoloxías no sector profesional da animación e os videoxogos.